嫖賭飲蕩吹

[This is an original opinion piece by YK Goon]

image0

我絕對唔係好男人。

但係,「嫖賭飲蕩吹」我一番都唔中。咁我係唔係有可能係好男人呢?

究竟我自認係壞男人係咪自欺欺人呢?值得思考嘅有兩項:

一)究竟「嫖賭飲蕩吹」仲係咪現代嘅人品指標?

二)如果唔係,究竟好男人如何量度?

「嫖賭飲蕩吹」聽落有好重嘅儒家味道。唔理佢出自何方,呢把尺用喺現代睇落要好嚴緊。

喺古時中一番(比如話做酒鬼),你就偏為壞人。

依家要稱之為壞人,我打低要做足「嫖賭飲蕩吹」五項先有資格入圍。

喂大佬,我好忙㗎。我有顧事業,女人,父母,財經,仲有幾廿本書未睇,你俾我一日三十六個鐘我都冇時間去『飲蕩吹』。

損友話:『喂咁唔係喎,你可以嫖同賭啫』。講到咁我又搏佢唔贏喎。

畢竟喺呢個咁複雜嘅時代,「嫖賭飲蕩吹」咁簡單嘅指標唔適宜用喺一般人身上。

或許好與壞已經係一個假象嘅構思。既然我哋被逼嚟到呢個境界,應該學習嘅對象就係曹操

喺曹操心內嗰把尺,並冇好同壞,只有成與敗。曹操並非英雄,佢係梟雄。

既然時勢造英雄,呢個時勢係冇英雄立足之地;只有梟雄先能夠頂天立地。