沉默之罪

[This is an original thought-piece by YK Goon]

image0

現今好多人有嗰通病:為咗講嘢而講嘢。

呢種病通常牽涉兩大類人:一)女人,二)西方人/鬼佬。

女人是必要講嘢係演化心理嘅天性,我暫且唔怪佢。

但係西方人無論男定女都有衝動無時無刻講嘢。呢個無非係西方社會多年嚟嘅女人化,我稱之為『乸型當有型』。佢哋多年積埋嘅業,依家受盡呢啲無名之苦。

好多時我被逼埋堆,周邊人講嘢不停,我噏聲唔出,有人會問我點解唔講嘢。佢覺得我模唔清,有啲唔志在。原來『唔出聲冇人話你吖』呢支歌已經冇唱好耐啦。

事實上佢哋吹水嘅話題之無聊或低俗實在太難頂。

我唔要求你有談政治論經濟嘅水準,但係當你只係可以講你今朝食過乜嘢,嗰個阿茂點得罪你,呢種話題對我嘅思維造成反高潮。悶親我事小,侮辱緊大家智慧事大。

溝通唔係罪,但係冇 point 都要不停講嘢就形成社交騷擾。

我嘅興趣好廣泛,勉強都可以叫博學。要搵有趣嘅話題並不難。但係我尤其是冇興趣就係啲小農師奶無謂話題。

Tolong 你,要講是非就講啲值得講嘅是非,例如政治或歷史。

如果你覺得我沉默好難頂,請你明白,唔係因為我自閉,係因為我覺得你講嘢太低B,我連出聲都無謂。