民主制度究竟掂唔掂

話分兩頭。我哋嚟研究吓究竟民主制度係咪最有效。

受先要澄清，絕大部份唐人對 democracy 呢壇嘢係一知半解。唔好以為有得投票就為之有民主。民主係一種態度，做官嗰個唔係你老細，你係官嘅老細。但係呢個係題外話。

法國大革命以來文明世界行緊民主制度，一人一票唔係因為呢種方法最好，係因為冇人諗到更好嘅方法。

另外亦都有人認為亞洲人受嘅封建儒家劇毒太深，民主唔啱用。似乎唔啱聽，但係諗落有道理。

西方民主係建基於人人平等。不單止係權力平等，亦都思維階級平等。換句話講，鬼佬尊卑不分，只係分是與非。所以佢哋社會有平等嘅基礎。

喺大馬社會分好多階層。你日里萬基就投一票，你隔離嗰個仆街連字都唔識睇又投一票。結果就係 UMNO 當權，剝奪你人權。

就算喺美國，聲稱自由之首亦都有嚴重嘅官商勾結問題。

變相民主

咁有啲人就問：究竟民主制度可唔可以改善？（鬼佬係會思考呢啲問題，你唐人搵錢係唔會明嘅）

如果一個國家可以似一間公司嚟處理，人民係客戶，管理層係被聘請嘅專業人士，結果係點呢？

一個可能性係：由於管理層唔係專業政治家，而係一流嘅經理人，國家會得到適當嘅管理而不受無謂嘅政治影響。

由於冇一人一票制，管理層亦都唔需要做啲拉攏民粹嘅事。佢哋大有空間實施該有嘅政策，無需怕亡黨之危。

只要大家遵守幾個基本原則，咁就有運行叻。首先係言論自由。

你做蟻民嘅有乜嘢唔順，有充分權力表示不滿。新聞工作抬得起頭，文化產業有機復興。

有冇聘請英國CEO嘅可能

立成相要搵嗰識辦事，識領導，有見地，總之有才華。

當今出到頭嘅官唔係靠嗰啲，係靠害．現代世界要升官就要學 Frank Underwood．咁嘅人治國你唔洗想有運行．

英國人唔同，佢哋講紳士風度，講人權，講道理．最重要係佢哋知醜．

俾佢哋話事，第一有言論自由，你唔洗擔驚受怕；第二冇貪官，因為有監督；第三你唔洗擔心華教衰落，因為佢提倡多元化．

講到尾，佢唔會低莊都數票熄燈．

講吓啫，唔好咁認真

喺你未話我係賣國賊之前，你必需要諗清楚：究竟你想做地球人還是大馬人。

你睇得識中文嘅我頓你都唔係政治活躍份子（如果係嘅請受小弟一拜）。既然你唔係，咁你無非想搵兩餐啫。

係咁就好話為叻。你係國家嘅股東，請總裁冇必要請自己人，邊個搞得掂嗰檔攤，我哋就應該請佢，無論佢係馬來人，英國人還是孟加拉人。

要搵食就唔好講愛國。將你嘅疆界畫闊啲，愛世人無需愛國。

再講，你肯請英國佬都唔肯做．佢哋聞到大馬嗰浸政治騷味就即時反胃，多多錢都唔收．

呢啲唔係話你同我噏兩句就會發生，係需要有人犧牲時間，敢冒險先至有一線希望．你識得邊個 friend 有咁偉大？