"天機不可洩漏"一般上被認為係講俾風水相學師聽嘅。你唔識紫微斗數奇門遁甲就自然以為天機不到你洩漏。但係現代人讀書多甚解少。人人都有洩漏天機嘅本事。

先定義何為天機。天機並非天庭的秘密，而無非係高等智慧所衍生嘅推理結論。

所謂洩漏天機就有如做數學題時只給最終答案而不解釋其中過程。有人叫你買某股票，你不問點解不做研究就買。

有咩大不了？因為只知天機，不懂前因後果，會產生極度的心理依賴。如果唔靈嘅又只可，忘記就算。靈嘅話，你就開始相信決定論。

你會無法將眼中的結果同你所作所為掛鈎。於是所有好奇心會毀滅。世上一切從此變得更加難捉摸。

天機係不勞而穫之一種。但係代價十分大，而且係無聲無色。

有趣嘅係俗語提倡不洩漏，並冇勸人不吸納天機。即係有口號勸人唔好賣毒品，冇口號講不吸毒。

可見中華文化只對玄學文人有望教得聽，對一般人根本冇希望，講多都嘥氣。

畢竟有句話我幾喜歡： "Beware of unearned wisdom."

講白啲：有啲釘係要自己踩嘅。